Posts
तुजवीण भीमा हा वाटतो संसार मज सुना
नयनात अश्रुंच्या सरी समजाऊ मी कुणा || ध्रु||
नयनी तू दिसे परी बघतो चहूकडे
दलितांची दैना पाहुनी हा ऊर धडधडे
देऊ कशी सांत्वना भारावल्या मना || १ ||
अंधार होता भूवरी तू दीप लाविला
घटनापती तू भारताचा रत्न शोभिला
साधिले कार्य तू महान फेडू कसे ऋणा || २ ||
लिहिण्या मधुर गीते तुझ्या गुणगौरवावरी
पांघर कृपेची गोधडी गोवर्धनावरी
देईल हसतमुखे तुझी जनतेस कल्पना || ३ ||
गीतकार .... गोवर्धन
